當一個球在我腳下時，我會選擇拿起它
因為我不習慣用腳玩波，可能就是這個原因，我做了門將
當日有我、全、然、啟明同嘉恆
一開波，有個黑人教練埋來挑機
作為一個澳門機民，有人挑機梗係制啦！
對手係一班小朋友，即係豆釘
呢班豆釘，一開波就質我地一粒
我地諗住站好陣腳就可以反擊啦！
點知好快又失多球
所以我決定由隱形前鋒回到後場幫手防守
回防幫手果然有作用，頹勢即刻止住
啟明、嘉恆同阿全三個響前面同班豆釘玩"踩腳"
點知一個不慎，俾個"小朗尼"突圍，佢以佢最快的短跑速度壓過阿全
後防除左門將毅然外，就最剩返我，我決定衝上去攔截，點知佢突然橫傳
後上的"小史高斯"接球後推順右腳一射，又一粒....
輸俾班豆釘三比零真係無癮
最後，我決定做門將等毅然可以上前衝鋒陷陣
然後阿全移到最後，嘉恆做中場
再開波，好快又攻到上前場，可惜前鋒忘帶射門鞋不特止，後衛亦都上前，
就響呢個時候，"小李奧"斷球後突圍直入己隊心臟地帶，突然我就"保方"上身，好英勇咁救到呢球，保住清白
與此同時，啟明終於為我地打開記錄
可惜一個門將係頂唔得幾耐的！
每每面對三個小豆釘衝埋來，都唔知出唔出好...
就係咁，我終於失左四球....
到最後，我地排出最佳陣容
兩前兩後
由啟明搭毅然做前
我加毅然守後
阿全做門將
踢左四十分鐘左右輸四比七...
輸波仲要爆腳，真該煨...
足球雖然唔係我第一運動，不過我都好愛踢
最爽係可以當踢緊WE咁，哈哈！希望踢幾個星期都可以得獎啦！哈哈！
全站熱搜
留言列表
